JakuIban.Kedit

Nyadi baka tu nih, kitai tu endang sebansa endang semenua, tau disemaka aku seperugan baka munti, sekaban diri menyadi, sama bilik sama penaik, sama penatai sama tirai, kitai tu endang ukai orang bukai. Ditu kitai bekunsi ruang, bekunsi karang sereta ngenang jalai pemansang, nusui jalai uti, ngena kereban ICT, betunga mua ba dunya cyber, berandau ngena chara baru, bebantaika penemu ti menuku, ngenang pemansang, peransang, pengerai enggau utai bukai kena napi singkang menua mansang.

Rabu, 24 Februari 2010

Rampa Menua Kami

Gambar: Pintu Penama Rumah Panjai Penyulok

Rumah panjai Penyulok diatu dipegai Tuai Rumah Giring anak Umpor. Lokasi rumah panjai kami tu di pelilih menua Betong kira-kira 38 kilometer ari nengeri mit Betong. Menua kami tu udah datai jalai raya iya nya jalai "Projek Jalan Kampung" ke dikemendarka perintah lebih kurang 2 taun ke udah. Rumah kami besimpang ari jalai Layar ke endang lama udah tembu lalu benung deka dikemanahka perintah (ditar) enda lama agi.

Ari nya bala kami serumah nyau enda tentu tusah agi mindah kin kitu baka orang bukai mega. Sekeda ke bisi kerita enggau motosikal suah bekundang kasang ke pasar Betong enda milih maya. Sida suah mega bejual beli barang ke dikena sepeneka ati nadai penanggul.

Gambar: Jematan meraka ai Penyulok

Renjan: Semina ulih ditiki ngena gear 1

Sungai Penyulok dipeda ari atas jalai

Rampa Menua Dipeda ari jalai ti ba atas bukit

1 ulasan:

Unknown14 Julai 2010 pada 5:23 PTG
bisi ini aku ba din tang udah nadai...apin lama ti udah...aku urang betung
BalasPadam
Balasan

Langgan: Catat Ulasan (Atom)

Jaku Peransang Ke Nembiak Sekula

Ni kita nembiak rebak dia,

Aram dani sama ngeleda,

Peda orang peda meh kita,

Enti orang ulih lapa kita enda?

Ni kita nembiak rebak diatu,

Aram kitai saum penemu

Enda ngira lelaki tauka indu

Nyamai sama diasai pedis sama diadu.

Ni kita nembiak mansang,

Aram saum sama belajar

Siku tusah ditulung magang

Penekul datai ulih diiyar.

Ni bujang melanyi,

Aram kitai sama sekunsi

Penemu baru belajar ICT

Nampung pelajar ke universiti.

Ni kita bujang dunya,

Aram kitai sama gaga,

Perintah manah naka iya,

Semua ditulung sepeneka nguna.

Ni kita dara jawai,

Aram kitai sama ngasai

Sekula ukai endur begagai

Atur ulah jaga perangai,

Ni kita dara asi,

Aram kitai sama berati,

Berunding meh ke pendiau diri

Tusah senang semua nya penguji.

Ni kita anak andai,

Aram kitai sama nampai

Perening asuh iching

Anang tekuing salah singkang

Ni kita anak mereti

Aram ngereja pengawa,

Anang bemain behari-hari,

Sekula pemadu iya beguna,